ВЯРТАННЕ ДА ВЫТОКАЎ
Зусім скора вернікі адзначаць светлае свята — Вялікдзень.
16 красавіка для работнікаў ААТ “Гродзенскі навукова-даследчы і праектны інстытут азотнай прамысловасці і прадуктаў арганічнага сінтэзу”, ДУП “Праектны інстытут “Гроднагіпразем” і студэнтаў УА “Гродзенскі дзяржаўны ўніверсітэт імя Я.Купалы” носьбітам тэхнікі роспісу яек Ядвігай Бандарэвічус і яе пераемнікам Люцынай Станкевіч праведзены майстар-класы па роспісу сапоцкінскай пісанкі, якая ўнесена ў Дзяржаўны спіс гісторыка-культурных каштоўнасцей Беларусі як элемент нематэрыяльнай культурнай спадчыны.
Для роспісу сапоцкінскай пісанкі выкарыстоўваецца спецыяльны самаробны інструмент – “шпілька”– палачка з убітым у тарэц цвічком, распісваецца пчаліным воскам, натуральным фарбавальнікам чорна-карычневага колеру з настою кары дуба, альхі, альховых шышак і іржавага жалеза. Традыцыйнымі малюнкамі з’яўляюцца матывы птушак, кветкавыя выявы, дубовыя лісточкі, галінкі яліны.
