Афиша


  http://grodnorik.gov.by/images/storage/banners/074396_b7922194192c98232ada1b526d2137df_work.jpg                                                                           2 .jpg - 46.21 Kb   

Народный театр Обуховского центра культуры

Народны тэатр Абухаўскага цэнтра культуры адзін са  старэйшых калектываў Гродзенскага раёна. Сваю творчую дзейнасць пачаў з драматычнага гуртка, створанага ў 1988 годзе. Яго заснавальнiкам i першым кiраўнiком быў Аляксандр Барысевіч. У снежні 1990 года  за выканальнiцкае майстэрства i дасягнутыя творчыя поспехi  тэатру прысвоена ганаровае найменне “народны”.

З 1998 па 2011 гады кіраўніком народнага тэатра з’яўляўся Барыс Валошын, з лістапада 2011 года - Аляксандр Калагрыў, сёння тэатр узначальвае С.У. Кірыленка.  

Кожная рэпетыцыя народнага тэатра – гэта складаны навучальны працэс, на якiм развiваецца цiкавасць да заняткаў, удзяляецца шмат увагi кожнаму ўдзельнiку, што дапамагае падняць узровень акцёрскага майстэрства на больш высокую ступень творчага развiцця.

Асноўны напрамак творчасці калектыва - сучасная драматургія. У творчым працэсе прымаюць удзел усе ўдзельнікі тэатральных пастановак. Рэжысер надае ўвагу кожнаму самадзейнаму акцеру і дапамагае яму стварыць свой вобраз на сцэне. Прадумана кожная дэталь спектакля: касцюмы, рэплікі, сцэнічныя рухі. У рэпертуары народнага тэатра налічваецца каля дзесяці пастановак, разлічаных на дарослага гледача.

Народны тэатр з'яўляецца пастаянным удзельнікам раённага агляда-конкурсу  калектываў вакальна-харавога, харэаграфічнага жанраў і сямейнай творчасці,  адзначаны дыпломамі абласнога адкрытага фестывалю народнай творчасці “Аўгустоўскі канал у культуры трох народаў”, адкрытыга рэгіянальнага свята народнай творчасці “Аўгустоўскі канал запрашае сяброў”, абласнога Свята млынароў, раённага фестывалю фальклору “Вяртанне да вытокаў”.

Удзельнікі народнага тэатра прымаюць актыўны ўдзел у падрыхтоўцы і правядзенні мерапрыемстваў цэнтра культуры. Найбольш буйныя з іх: Зажынкі, Дажынкі, Свята дзяцінства, Купалле, мерапрыемствы да Раства Хрыстова, Вялікадня,  Дня Перамогі, Дня Незалежнасці, Дня работнікаў культуры, Дня маці і інш.

Народны тэатр мае вялікі творчы патэнцыял. Выступленні калектыву адрозніваюцца высокім узроўнем выканання, артыстызмам, яркімі сцэнічнымі вобразамі, таленавітым увасабленнем. Сёння ўдзельнікі  тэатра поўны творчых сіл і працягваюць здзіўляць гледачоў сваімі пастаноўкамі, актыўна прапагандуючы тэатральнае мастацтва сярод жыхароў аграгарадка і раёна.

Филиал Обуховский центр культуры государственного учреждения культуры «Гродненский районный культурно-информационный  центр» аг.Обухово, ул.Центральная, 8

Руководитель – Куриленко Сергей Владимирович,

Контактный телефон: 968-510