Размер шрифта:aaa
Цвет сайтаaaa
обычная версия сайта

    

Новости
09.03.2020
Школа фалькларыстаў адкрылася ў Гродзенскім раёне

Яна дапаможа работнікам культуры ў галіне народнай творчасці і актывістам аматарскіх калектываў даследаваць традыцыйную культуру краю і распаўсюджваць рэгіянальнае мастацтва ў розных яго формах. Як паведаміла вядучы метадыст па рабоце ў вобласці традыцыйнай мастацкай культуры, нематэрыяльнай культурнай спадчыны і фальклору Гродзенскага раённага культурна-інфармацыйнага цэнтра Наталля Рамановіч, да захавання і вывучэння аўтэнтычнага фальклору і народных традыцый далучаць таксама дзяцей і моладзь. З гэтай мэтай у 2020 годзе музеі і музейныя экспазіцыі ў аграгарадках Індура, Адэльск, Абухава, гарадскім пасёлку Сапоцкін, вёсцы Зарачанка будуць працаваць з новым праектам «Музей і дзеці». Так, у Індурскім цэнтры культуры ўжо пачаліся заняткі ў «Школе батлейкі».
Свайго роду духоўны падмурак, сховішча каштоўнасных арыенціраў – народныя каляндарныя абрады, якія адлюстроўваюць тысячагадовыя прадстаўленні нашых продкаў пра навакольны свет. 29 лютага кіраўнікоў фальклорных калектываў, спецыялістаў аддзела этнаграфіі, фальклору і рамёстваў Гродзенскага раённага культурна-інфармацыйнага цэнтра, бібліятэкараў, перспектыўную моладзь з рэзерву кадраў і актывістаў аматарскіх аб’яднанняў для пажылых людзей запрасілі на семінар «Старажытныя народныя святы і абрады, сакральныя язычніцкія і хрысціянскія месцы, традыцыйныя іміджавыя культурныя мерапрыемствы і іх пазіцыянаванне як аб’ектаў турыстычнага бізнесу». У аграгарадку Капцёўка разам з загадчыкам Капцёўскага цэнтра культуры Эльвірай Чыжанковай і ксяндзом Міхалам Ластоўскім яны наведалі касцёл Унебаўзяцця Найсвяцейшай Панны Марыі з цудадзейным абразом іконы Божай Маці Яснагурскай, убачылі «гару надзей» – другое па велічыні ўзвышша ў Гродзенскім раёне – і алею памяці з магільных камянёў. Яшчэ больш аб гісторыі аграгарадка ўсе даведаліся ад бібліятэкара Капцёўскай бібліятэкі Аллы Варанко. 
Падчас этнавандроўкі ў вёску Жытомля ўдзельнікі семінара гукалі вясну «па-старому». Па народнаму звычаю ад таго, як яе сустрэнеш, залежыць дабрабыт хатняй гаспадаркі. Было ўрачыста, весела і шумна. У рамках творчай майстэрні «Жывая традыцыя» народны фальклорны гурт «Жывіца» Квасоўскага цэнтра культуры і развіцця народнай творчасці і народны тэатр народнай песні «Матуліна песня» Жытамлянскага дома фальклору зладзілі сапраўднае свята. У атмасферу народнай песеннай і танцавальнай культуры жыхароў і гасцей вёскі пагрузілі песні-«вяснянкі», карагоды, побытавыя танцы і традыцыйныя беларускія веснавыя гульні. Гаспадыні Ірына Стральчэня з Абухава, Лілія Розмысла і Галіна Міклашэвіч з Жытомлі частавалі прысутных «жавароначкамі» з цеста. Рабіць папяровых і саламяных птушак, вясновыя паштоўкі, абярэгі ў выглядзе лялек вучылі майстры аддзела этнаграфіі, фальклора і рамёстваў. У парку развесілі новенькія рознакаляровыя шпакоўні.
А вынікам вандроўкі-рэпартажу «Сацыяльныя сеткі як сродак папулярызацыі гісторыка-культурнай спадчыны і традыцыйнага мастацтва» стане выпуск невялікага відэароліка пра абрад «Гуканне вясны».

  Версия для печати
16.03.2020
Арыгінальныя вырабы майстроў стануць своеасаблівай візітоўкай Гродзенскага раёна
16.03.2020
Гродненский укрепрайон
16.03.2020
“БЕЛАРУСКІЯ МАСТАЦКІЯ ПРАКТЫКІ САЛОМАПЛЯЦЕННЯ”
09.03.2020
Гран-при IV Международного конкурса молодых исполнителей на духовых инструментах «Naujene Wind 2020» отправился в Поречье
09.03.2020
В Путришках прошел фестиваль патриотической песни «На крылах памяцi»
06.03.2020
Районное праздничное мероприятие женщин «Все лучшее – в женщине»
06.03.2020
Поздравляем вас с Днем женщин!
02.03.2020
Сувениры из Европы и белорусский колорит. Международная ярмарка ремесленников «Казюки» проходит в Гродно в 20-й раз
02.03.2020
У этнавандроўку ў Капцёўку, а ў Жытомлю -  каб “загукаць вясну”
02.03.2020
Семинар-показ "Школа батлейки"
26.02.2020
Итоговое совещание отдела культуры
26.02.2020
Представители Гродненского района передадут капсулу с землей в Минск в рамках акции к 75-летию Великой Победы
20.02.2020
Міжнародны день роднай мовы
17.02.2020
Районное мероприятие, посвященное Дню памяти воинов-интернационалистов «Афганистан – наша память и боль»
17.02.2020
РАЙОННЫЙ СМОТР-КОНКУРС КОЛЛЕКТИВОВ ВОКАЛЬНО-ХОРОВОГО, ХОРЕОГРАФИЧЕСКОГО ЖАНРОВ И СЕМЕЙНОГО ТВОРЧЕСТВА
14.02.2020
Художественные практики соломоплетения получат статус историко-культурной ценности
12.02.2020
СТОЛБОВОЙ ОБРЯД БЕЛОРУССКОЙ СВАДЬБЫ ВОЗРОЖДАЮТ ПОД ВИТЕБСКОМ
11.02.2020
ГУКАЦЬ ВЯСНУ БУДУЦЬ У ЖЫТОМЛІ 29 ЛЮТАГА
11.02.2020
Книга БЕЛТА "Традиции суверенной Беларуси" презентована на выставке в Минске
Страницы